Vörumerkin
Í gegnum öflug vörumerki bjóða Íslandshótel upp á hótel, veitingastaði og heilsulindir í Reykjavík og víða um land, í nálægð við einstaka náttúru og fjölbreytta afþreyingu.
Innan Fosshótela, Hótel Reykjavík og Hilton vörumerkja eru 19 hótel með um 2.400 herbergi. Fosshótel eru staðsett hringinn í kringum landið og í Reykjavík. Hótel Reykjavík og Hilton eru með 4 stjörnu hótel í Reykjavík fyrir ferðamenn og ráðstefnugesti sem vilja njóta glæsilegar aðstöðu og framúrskarandi þjónustu.
Íslandshótel reka jafnframt fjölbreytta veitingastaði í Reykjavík og víða um land, hver með sinn karakter og áherslur. Þar er lögð áhersla á góðan mat, vandað hráefni og notalegt umhverfi, hvort sem komið er í hádegis- eða kvöldverð, í drykk eða til að gera sér dagamun.
Undir merkjum Reykjavík Spa reka Íslandshótel heilsulindir á Hótel Reykjavík Öskju og Hilton Reykjavík. Þar er lögð áhersla á vellíðan, slökun og góða aðstöðu fyrir bæði hótelgesti og aðra sem vilja taka sér tíma til að hvílast og endurnærast.
Íslandshótel leggja metnað sinn í að sinna samfélagslegri ábyrgð og veita styrki til þarfra málefna og eru umhverfismál, forvarnarmál og líknarmál þar fremst í flokki. Íslandshótel vinna einnig að því markmiði að lágmarka umhverfisáhrif starfseminnar eins og kostur er. Við viljum vera í fararbroddi á sviði umhverfismála og leggjum metnað okkar í að styrkja góð málefni sem tengjast umhverfinu.
