Fosshotel Húsavík

Gisting fyrir tvo á Fosshótel Húsavík ásamt tveggja rétta kvöldverði, morgunverðarhlaðborði og aðgangi í GeoSea sjóböðin á aðeins 25.900 kr.

Njóttu lífsins í hvalaparadísinni á Húsavík. Fosshótel Húsavík er vinalegt og vel útbúið hótel í hjarta Húsavíkur og í göngufæri við höfnina og aðeins nokkurra mínútna akstursfjarlægð frá GeoSea sjóböðunum þar sem þú nýtur náttúrunnar á einstakan hátt. Hitinn í iðrum jarðar sér um að sjórinn í böðunum sé hlýr og steinefnaríkt vatnið gælir við hörundið.

Stílhrein og glæsileg herbergi bíða þín í hvalaskoðunarparadísinni á Húsavík.

Við trúum því að ferðafólk eigi skilið það allra besta, hvar sem þau eru. Þrátt fyrir að 500 km skilji að Reykjavík og Húsavík er hvergi sparað þegar kemur að gæðum á Fosshotel Húsavík. Herbergin eru rúmgóð og falleg en öllum herbergjum fylgja ókeypis bílastæði, gervihnattarsjónvarp, lítill ísskápur, þráðlaust net og meira.

Frábær aðstaða á stærsta ráðstefnuhóteli Norðurlands

Fosshotel Húsavík býður upp á 6 ráðstefnu- og fundarsali sem rúma allt að 350 manns í standandi móttöku. Salirnir eru vel útbúnir með öllum helstu tækjum og tólum sem þörf er á í nútíma viðburðarhaldi. Stærsti salurinn, Skjálfandi, skartar skemmtilegri LED lýsingu sem auðveldlega er hægt að stilla í takt við yfirbragð viðburðarins.

Fallega innréttaður veitingastaður sem býður upp á fjölbreyttan matseðil, unninn að mestu úr hráefni úr héraði.

Moby Dick Restaurant hefur fest sig í sessi sem einn af betri veitingahúsum Norðurlands. Staðurinn var endurhannaður árið 2017 og skartar nú fallegum nútímalegum stíl innblásinn af hafinu. Salurinn hentar vel fyrir hópa sem og einstaklinga en meðal rétta sem boðið er upp á eru humarsúpa, hreindýraborgari, nautalund og gómsætar pizzur.

Húsavík er líflegur bær sem býður upp á fyrsta flokks hvalaskoðun, sjóböð, náttúrufegurð og margt fleira.

Það er meira en nóg af afþreyingu í þessum fallega og skemmtilega bæ. Bærinn stendur við Skjálfandaflóa sem er þekktur fyrir fjölbreytt lífríki en þar má finna mikinn fjölda hvaltegunda en Húsvíkingar hafa getið sér gott orð í hvalaskoðun. Einn vinsælasti áfangastaður ferðamanna eru GeoSea sjóböðin en þar geta gestir notið náttúrunnar á einstakan hátt.