Fosshotel Austfirðir

Fosshótel Austfirðir er glæsilegt þriggja stjörnu hótel á Fáskrúðsfirði. Hótelið er staðsett í franska spítalanum en þar er einnig veitingastaður og safn þar sem lífi og starfi franskra sjó­manna er gert skil. Aðgangur að safninu er ókeypis fyrir hótelgesti. 

Starfsemi hótelsins fer fram í 4 byggingum við Hafnargötuna sem hafa verið endurgerðar í samvinnu við Minjavernd. Þekktasta húsið er bygging franska spítalans sem var reist árið 1903 og í notkun til ársins 1939 eða þar til það var flutt út á Hafnarnes þar sem það stóð í eyði í nær 50 ár. Við enduruppbyggingu húsanna var lögð áhersla á að endurnýta byggingarefni eins og hægt var. Byggingarnar hlutu menningarverðlaun Evrópu, Europa Nostra á sviði menningararfleiðar vegna þessara umbreytinga en þetta er jafnframt fyrsta verkefnið hér á landi sem hlýtur þessi eftirsóttur verðlaun.

Veitingastaðurinn L'Abri er á hótelinu.