Hilton Reykjavík
Hilton Reykjavík
Hilton Reykjavík Nordica verður Hilton Reykjavík frá og með 1. september 2026.
Frá og með 1. september 2026 tekur Íslandshótel við rekstri hótelsins við Suðurlandsbraut. Hótelið mun starfa áfram undir Hilton vörumerkinu og bjóða upp á fyrsta flokks gistingu fyrir bæði innlenda og erlenda gesti, auk fjölbreyttrar aðstöðu fyrir fundi, ráðstefnur og viðburði.
Staðsetningin í hjarta borgarinnar, nálægt Laugardalnum, íþrótta- og afþreyingarsvæðum og miðbæ Reykjavíkur, gerir hótelið að eftirsóttum valkosti fyrir viðskiptaferðalanga, hópa og ferðamenn.
Frekari upplýsingar um þjónustu, aðstöðu og bókanir verða birtar á næstunni.
Við skiljum að breytingar á rekstri hótelsins geta vakið spurningar hjá gestum sem eiga bókanir eða hyggjast heimsækja okkur á næstunni.
Markmið okkar er að halda sem flestum staðfestum bókunum sem þegar hafa verið gerðar og veita gestum eins skýrar upplýsingar og mögulegt er. Við vinnum að því að afla nauðsynlegra upplýsinga frá núverandi rekstraraðila og yfirfara gögn svo við getum aðstoðað hvern og einn gest sem best.
Við erum að vinna þetta eins hratt og mögulegt er og munum uppfæra upplýsingar hér eftir því sem nýjar upplýsingar berast. Ef þú finnur ekki svar við þinni spurningu hér að neðan hvetjum við þig til að hafa samband við okkur.
Svör við algengum spurningum
Íslandshótel tekur við rekstri hótelsins þann 1. september 2026. Fram að þeim tíma er hótelið áfram í rekstri núverandi rekstraraðila.
Já, Hilton Reykjavík verður áfram rekið undir Hilton vörumerkinu eftir að Íslandshótel tekur við rekstri hótelsins.
Já, hótelið var áður þekkt sem Hilton Reykjavík Nordica.
Hilton Reykjavík er staðsett við Suðurlandsbraut 2 í Reykjavík.
Bókanir fyrir komu frá og með 1. september 2026 verða opnaðar hjá Íslandshótelum innan tíðar. Nánari upplýsingar verða birtar hér á vef Íslandshótela og á viðeigandi sölurásum þegar bókunarferlið liggur fyrir.
Markmið Íslandshótela er að aðstoða gesti með staðfestar bókanir eftir 1. september 2026 eftir bestu getu. Unnið er að yfirferð upplýsinga og því er ekki hægt að staðfesta stöðu einstakra bókana fyrr en fullnægjandi gögn liggja fyrir.
Þar sem undirbúningur stendur yfir biðjum við gesti að varðveita bókunarstaðfestingu, bókunarnúmer, greiðslukvittun og önnur samskipti tengd bókuninni. Ef bókun var gerð í gegnum ferðaskrifstofu, bókunarsíðu eða annan þriðja aðila er jafnframt mikilvægt að hafa samband við þann aðila vegna stöðu bókunar, breytinga eða afbókana.
Ef þú hefur áhyggjur af bókun þinni fyrir komu frá og með 1. september 2026 má senda okkur gögnin og við munum aðstoða eftir fremsta megni.
Íslandshótel getur staðfest bókanir þegar viðeigandi upplýsingar liggja fyrir. Til að við getum skoðað málið biðjum við þig að senda okkur bókunarstaðfestingu, bókunarnúmer, nafn gests, komudag og brottfarardag, upplýsingar um hvar bókunin var gerð og afrit af samskiptum, ef við á.
Sjá neðar spurninguna ”Hvert get ég sent fyrirspurn?” fyrir nánari upplýsingar.
Verð og bókunarskilmálar verða metin út frá þeim upplýsingum sem liggja fyrir um hverja bókun. Markmið okkar er að aðstoða gesti með staðfestar bókanir eins vel og kostur er þegar viðeigandi upplýsingar hafa borist og verið yfirfarnar.
Nýjar bókanir sem gerðar verða eftir að Íslandshótel opnar fyrir sölu geta fylgt nýjum verðum, skilmálum og greiðslufyrirkomulagi.
Breytingar og afbókanir fara eftir þeim skilmálum sem giltu þegar bókunin var gerð. Ef bókunin var gerð í gegnum Hilton, ferðaskrifstofu, bókunarsíðu eða annan söluaðila þarf að hafa samband við viðkomandi aðila.
Hilton Reykjavík verður áfram undir Hilton vörumerkinu. Upplýsingar um Hilton Honors, punkta, fríðindi og aðildarskilmála fara eftir reglum Hilton og verða miðlaðar í gegnum viðeigandi Hilton boðleiðir.
Fríðindi Hilton Honors fara eftir reglum Hilton, stöðu aðildar og skilmálum bókunar hverju sinni. Gestir eru hvattir til að fylgjast með upplýsingum frá Hilton eða hafa samband í gegnum viðeigandi Hilton boðleiðir vegna spurninga um aðild, punkta eða fríðindi.
Íslandshótel leggur áherslu á að aðstoða viðskiptavini með staðfesta hópa, fundi, ráðstefnur og viðburði eftir bestu getu. Til að við getum metið stöðu hverrar bókunar biðjum við bókunaraðila að hafa samband við okkur.
Ef þú ert með staðfesta hópabókun, fund, ráðstefnu eða viðburð frá og með 1. september 2026 biðjum við þig að hafa samband við okkur.
Fundir, ráðstefnur og viðburðir: meetings@islandshotel.is
Hópabókun, 5 herbergi eða fleiri: groups@islandshotel.isJá, veitingastaður, bar, heilsurækt og spa verða áfram opin á hótelinu. Núverandi vörumerki, þar á meðal VOX, fylgja ekki með rekstrinum. Ný nöfn og nánari upplýsingar um þjónustuna verða kynnt þegar nær dregur.
Gjafabréf og inneignir sem gefin voru út af fyrri rekstraraðila falla ekki sjálfkrafa undir ábyrgð Íslandshótela. Handhafar slíkra gjafabréfa eru beðnir um að hafa samband við útgefanda gjafabréfsins vegna upplýsinga um gildistíma og skilmála.
Fyrirtæki, fundir, ráðstefnur og viðburðir: meetings@islandshotel.is
Gisting, 5 herbergi eða fleiri í sömu bókun: groups@islandshotel.is
Aðrar fyrirspurnir: islandshotel@islandshotel.is
Ef fyrirspurn varðar núverandi bókun biðjum við þig að senda bókunarnúmer og bókunarstaðfestingu með erindinu ef mögulegt er.