Ráðstefnur, fundir og viðburðir

Hilton Reykjavík býður upp á fjölbreytta aðstöðu fyrir fundi, ráðstefnur og viðburði og hefur áunnið sér gott orðspor sem ráðstefnu- og viðburðahótel, bæði fyrir innlenda og erlenda gesti. Á hótelinu eru 18 fundar- og veislusalir á jarðhæð og annarri hæð sem henta fyrir allt frá minni viðskiptafundum og einkasamkvæmum til stórra ráðstefna og hátíðarkvöldverða.

Fundar- og veislusalirnir eru endurnýjaðir reglulega og búnir vandaðri tækniaðstöðu sem hentar fjölbreyttum viðburðum. Hægt er að halda ráðstefnur fyrir allt að 650 gesti, en með því að nýta samliggjandi sali á jarðhæð er hægt að taka á móti allt að 1.300 gestum á stærri viðburðum og veislum, þar sem boðið er upp á fjölbreyttar útfærslur á veitingaþjónustu.

Hvort sem um er að ræða viðskiptafund, málstofu, móttöku eða stóra hátíð býður Hilton Reykjavík upp á sveigjanlega sali og góða tækniaðstöðu sem hægt er að laga að ólíkum þörfum.